Ish-presidenti i Komisionit Evropian, Jacques Delors, i cilësuar si arkitekt të Bashkimit modern Evropian, ka vdekur të mërkurën në moshën 98-vjeçare.
Ai ndihmoi në krijimin e tregut të vetëm evropian duke mundësuar lëvizjen e lirë të njerëzve, mallrave dhe shërbimeve të tjera.
Gjatë detyrës së tij si president mes viteve 1985-1995, Delors gjithashtu mundësoi përdorimin e monedhës evropiane, euros.
Ai shërbeu si president i Komisionit tre herë, më së gjati se kushdo tjetër. Presidenti francez, Emmanuel Macron e ka lavdëruar Delorsin, i cili kishte shërbyer edhe si ministër i financave në qeverinë franceze mes viteve 1981-84.
Si socialist francez, ai ishte besimtar i madh i integrimit të pasluftës. Gjatë shërbimit të tij u arrit marrëveshja e Schengenit për udhëtime dhe programi për studentët Erasmus.
Pasi u largua nga posti në vitin 1995, Delors refuzoi të kandidonte për president të Francës, ani pse në sondazhe po printe ndjeshëm.
Ai në vitet e fundit kishte paralajmëruar për rrezikun që i kanoset Evropës nga populizmi, duke bërë thirrje për vendime më të ashpra pak para se të ndodhte BREXIT-i. /koha
