Miliarderi Cyrus Mistry, ish-kryetar i Tata-s, vdiq të dielën në një aksident rrugor teksa po udhëtonte për në Mumbai.
Një person tjetër u vra dhe dy pasagjerë të tjerë u plagosën, tha policia në shtetin perëndimor Maharastra të Indisë.
Mistry, i cili ishte 54 vjeç, u rrëzua si kryetar i Tata-s në vitin 2016, pas kritikave për performancën e tij.
Ai u zëvendësua nga Ratan Tata, njeriu që Mistry e kishte zëvendësuar vetë vetëm katër vjet më parë.
Grushteti në sallën e këshillit u mbulua me mister dhe shkaktoi një betejë të gjatë ligjore në të cilën gjykata e lartë e Indisë përfundimisht vendosi në favor të Tatës.
Kompania operon në më shumë se 100 vende – duke ofruar produkte si kripë, çelik dhe softuer – dhe kishte të ardhura prej 130 miliardë dollarësh vitin e kaluar.
Mistry dhe shoqëruesit e tij po udhëtonin me një makinë Mercedes nëpër rrethin Palghar të Maharashtra kur aksidenti ndodhi të dielën pasdite, tha policia.
Zëvendëskryeministri i shtetit Maharashtra ka urdhëruar një hetim policor.
Përplasja solli në fokus numrin e lartë të aksidenteve rrugore në vend, me të dhënat e qeverisë që tregojnë se këto morën 150 mijë jetë në vitin 2021. /klankosova
