Vëllezërit Tate apeluan kundër ndalimit të tyre në një gjykatë të Bukureshtit
Andrew Tate dhe vëllai i tij janë larguar nga një gjykatë rumune pasi kanë nisur një apel kundër ndalimit të tyre të vazhdueshëm në lidhje me një hetim mbi akuzat për trafikim njerëzor, përdhunim dhe krim të organizuar.
Ish-kikboksieri 36-vjeçar dhe influencuesi u pa teksa hynte në pjesën e pasme të një furgoni policie i lidhur me prangat me vëllain e tij dhe mbante në dorë një Kuran. Ai gjithashtu mbante Kuranin kur mbërriti në gjykatën në Bukuresht rreth gjashtë orë më parë.
Të hënën, avokati i z.Tate pretendoi se nuk kishte “asnjë provë” për të mbështetur akuzat kundër tij ose vëllait të tij.
Z. Tate dhe vëllai i tij Tristan u arrestuan në Rumani muajin e kaluar si pjesë e një hetimi nga byroja rumune e krimit të organizuar.
Eugen Vidineac, i cili përfaqëson të dy vëllezërit, i tha të hënën faqes së lajmeve rumune Gandul se mbrojtjes nuk i ishte dhënë mundësia të studionte dosjen e prokurorisë për rastin. Avokati gjithashtu pretendoi se personaliteti i diskutueshëm në internet i z.Tate nuk do të ishte provë e vlefshme në një gjyq.
Footage has emerged of Andrew and Tristan Tate arriving at an appeals court today in Bucharest, where a judge will decide if they remain in custodypic.twitter.com/SndZgbwLxs
— Dexerto (@Dexerto) January 10, 2023
