Tunizia ka votuar për t’i dhënë presidentit të vendit kompetenca të reja gjithëpërfshirëse, në një lëvizje që kritikët thonë se rrezikon rikthimin e sundimit autoritar në vend, shkruan BBC të mërkurën.
Më pak se një e treta e tunizianëve votuan në referendum, me 94.6% të atyre që votuan mbështesin planet për t’i dhënë presidentit Kais Saied pushtete të reja të gjera.
Por grupet opozitare, të cilët bojkotuan votimin, thanë se rezultatet ishin “jo të besueshme” dhe “të fryra”.
Saied ka pohuar se ndryshimet do të thyejnë paralizën politike të Tunizisë.
64-vjeçari tashmë ka qeverisur me dekret që në këtë kohë të vitit të kaluar, kur ai vendosi në mënyrë dramatike pezullimin e parlamentit dhe shkarkimin e qeverisë.
Kushtetuta e re e Tunizisë do t’i jepte kreut të shtetit kontroll të plotë ekzekutiv, komandë supreme të ushtrisë dhe aftësinë për të emëruar një qeveri pa miratimin e parlamentit.
Kjo do të dobësonte gjithashtu gjyqësorin e Tunizisë dhe do të hiqte kontrollet mbi kompetencat e presidencës. /koha
New Tunisian constitution giving more power to President Kais Saied passes in a referendum with a 30.5% turnout – Tunisia’s Independent High Authority for Elections pic.twitter.com/Savcx08iIL
— TRT World Now (@TRTWorldNow) July 27, 2022
