Këshilli i Sigurisë Kombëtare i Serbisë është mbledhur sot pas zhvillimeve të djeshme në veri të Kosovës.
Aty u “konkludua” që të mbahet “deri në një njoftim tjetër” gatishmëria e nivelit më të lartë ushtarak.
Një tjetër “konkluzion” nga kjo mbledhje, siç njoftoi shërbimi për media e presidencës serbe, ishte se “KFOR/NATO nuk performoi punën e saj.
“Shefi i Shtabit të Përgjithshëm të Forcave të Armatosura të Serbisë, gjenerali Milan Mojsiloviq, është i autorizuar të mbajë kontakte të drejtpërdrejta me komandantin e KFOR-it, në përpjekje për të siguruar që KFOR/NATO të përmbush funksionin dhe mandatin e saj, në përputhje me aktet relevante të OKB-së, dhe të mbrojë serbët në Kosovë”, thuhet në njoftim, siç e cituan mediat serbe.
