RTV AHIRETI
LajmeRajon dhe Botë

Zëdhënësi i Kremlinit Peskov: Turqia për ne është partner shumë i rëndësishëm

zedhenesi-i-kremlinit-peskov:-turqia-per-ne-eshte-partner-shume-i-rendesishem

Zëdhënësi i Kremlinit, Dimitriy Peskov, tha se Turqia është një partner i rëndësishëm për Rusinë, transmeton Anadolu Agency (AA).

“Turqia padyshim është një vend mik për ne. Turqia është një partner shumë i rëndësishëm për ne në aspektin e politikës ndërkombëtare, çështjeve politike, bashkëpunimit tregtar dhe ekonomik”, tha zëdhënësi i Kremlinit Dimitriy Peskov në një intervistë për gazetën “Izvestia”.

Duke shtuar se ka dallime mendimesh me Turqinë, veçanërisht për Ukrainën, Peskov tha: “Ne kemi dallime mendimesh për çështje të ndryshme, për Ukrainën në përgjithësi. Ne nuk pajtohemi me qasjen e Turqisë për çështjen e Ukrainës, por ne vazhdojmë me durim të t’ua përcjellim argumentet tona dhe atë për të cilën jemi të sigurt, për të cilat jemi të bindur, partnerëve tanë turq”.

Ai tha se Turqia nuk merr pjesë në sanksionet kundër Rusisë.

“Turqia nuk mori pjesë në sanksionet e paligjshme kundër Rusisë dhe zhvillon politikën e saj sovrane të pavarur. Rusia dhe Turqia kanë potencial të madh në bashkëpunim për çështjet politike dhe ekonomike”, tha Peskov.

Ai tha se Turqia dhe Rusia i zhvillojnë marrëdhëniet e tyre dypalëshe mbi parimet e respektit dhe interesit reciprok.

Related posts

Senati francez kundër importit të produkteve nga puna e detyruar e ujgurëve

rezart morina

Tragjedia në Libi, sfidë për identifikimin e trupave, uji i ndotur helmon të mbijetuarit

admin

Vetmia e përshpejton plakjen po aq sa cigaret dhe pasiviteti fizik

admin