Një zjarr ka përfshirë një zonë me shkurre dhe bimësi në lagjen “15 Tetori” të qytetit të Vlorës, duke mobilizuar shërbimet zjarrfikëse.
Pas njoftimit për flakët, në vendngjarje kanë ndërhyrë dy automjete zjarrfikëse, të cilat kanë arritur ta lokalizojnë zjarrin dhe ta vënë nën kontroll, duke parandaluar përhapjen e tij në zona të tjera.
Sipas të dhënave paraprake, dyshohet se zjarri mund të jetë shkaktuar qëllimisht, ndërsa autoritetet kanë nisur hetimet për të zbardhur shkaqet dhe rrethanat e rastit.
Nga ngjarja nuk raportohet për persona të lënduar apo dëme në banesa, ndërsa dëmet janë kufizuar në sipërfaqen e përfshirë nga flakët.
