RTV AHIRETI
FeaturedKosovëLajmeLajmet

Zjarret në Hawaii, Osmani: Solidarizohemi me miqtë tanë amerikanë

zjarret-ne-hawaii,-osmani:-solidarizohemi-me-miqte-tane-amerikane

Presidentja Vjosa Osmani reagoi sot (e diele) për shkak të katastrofës me zjarret në Hawai që rrafshuan qytetin historik të Lahaina, duke shënuar zjarrin më vdekjeprurës në SHBA për më shumë se një shekull.

Osmani shkroi në rrjete sociale se është zemërthyese të shohësh shkatërrimet ndërsa shprehu solidaritetin e popullit të Kosovës duke i uruar shërim të shpejtë edhe të lënduarve.

“Është zemërthyese të shohësh shkatërrimet që po ndodhin nga zjarret mbi popullin e Hawait. Ne qëndrojmë në solidaritet të plotë me Presidentin e Shteteve të Bashkuara, Joe Biden, dhe miqtë tanë amerikanë gjatë këtyre kohërave të vështira. Zemrat tona janë me familjet e viktimave dhe i urojmë shërim të shpejtë të lënduarve”, shkroi Osmani.

Deri më tani 93 persona kanë humbur jetën nga zjarret në Maui. Numri i viktimave mund të rritet “dukshëm”, paralajmëroi guvernatori i Hawait, Josh Green.

Qindra mbesin të pagjetur ndërsa qindra të tjerë strehohen përtej ishullit pasi u larguan nga flakët.

Ndërsa zjarret tani janë kryesisht nën kontroll, përpjekjet për shuarjen e plotë të tyre po vazhdojnë në pjesë të ishullit.

Related posts

EULEX-i mirëpret uljen e tensioneve në pjesën veriore të Kosovës, thotë se po monitoron rastin e Pantiqit

admin

COVID-19 – Lauterbach: Kufizime për të parandaluar valën e re

admin

“Rusia është e gatshme të përdorë armë bërthamore”- Kremlini mohon deklaratat e Putin: Presidenti nuk ka kërcënuar

admin