Zjarri në një mal të Greqisë është zjarri më i madh i regjistruar ndonjëherë në Bashkimin Evropian dhe blloku po mobilizon gati gjysmën e krahut të saj ajror zjarrfikës për ta luftuar atë, ka thënë një zëdhënës i Komisionit Evropian.
11 aeroplanë dhe një helikopter nga flota e BE-së janë dërguar për të ndihmuar në shuarjen e zjarrit në veri të qytetit Alexandroupoli, bashkë me 407 zjarrfikës, ka thënë Balazs Ujvari, raportoi Guardian.
Shërbimi Civil i Mbrojtjes i BE-së ka theksuar se zjarri ka djegur më shumë se 810 km/katrorë – një hapësirë më e madhe se New York City.
“Ky zjarr është më i madhi në BE që nga viti 2000”, ka deklaruar shërbimi.
Greqia ka thënë se zjarri është “ende jashtë kontrollit” në rajonin e parkut kombëtar Dadia.
Që kur nisi më 19 gusht, zjarri ka vrarë 20 persona, 18 prej të cilëve migrantë trupat e të cilëve u gjetën në rajonin që shpesh përdoret si pikë hyrjeje nga Turqia.
