Zonja e parë e Turqisë dhe kryetarja e Bordit Këshillimor të Personave të Shquar të OKB-së për Mbetjet Zero, Emine Erdogan, ka deklaruar se përfundoi një agjendë të ngjeshur në New York, e cila trajtoi çështje që prekin njerëzimin, transmeton Anadolu.
Emine Erdogan ndau gjithashtu një video që pasqyron aktivitetet ku mori pjesë gjatë ditës së saj të dytë në New York, në kuadër të sesionit të 81-të të Asamblesë së Përgjithshme të OKB-së.
“Në ditën tonë të dytë në New York, përfunduam një agjendë të ngjeshur që trajtoi çështje që shqetësojnë njerëzimin sot, si dhe tema që do të formësojnë të ardhmen e botës sonë”, tha Erdogan në një postim në rrjetet sociale.
Videoja përfshinte pamje nga fjalimi i presidentit Recep Tayyip Erdogan në sesionin e 81-të të Asamblesë së Përgjithshme të OKB-së, si dhe nga pjesëmarrja e Emine Erdoganit në Dialogun e Nivelit të Lartë për Tranzicionin Energjetik të Agjencisë Ndërkombëtare të Energjisë (IEA), në selinë e OKB-së.
