Shefi i Departamentit të Hetimeve Kriminale i Libisë, gjeneralmajor Mahmoud Ashour, së bashku me një delegacion, vizitoi sot Zyrën e Kryeprokurorit të Ankarasë, ndërsa vazhdon hetimi i përbashkët mbi rrëzimin e avionit që i mori jetën shefit të ushtrisë së Libisë të martën, transmeton Anadolu.
“Kryeprokurori Gokhan Karakose, së bashku me zëvendëskryeprokurorët dhe prokurorët publikë të caktuar për hetimin, informuan delegacionin libian për hetimin në vazhdim”, thuhet në një deklaratë të zyrës së prokurorit.
Në deklaratë shtohet se të dy vendet riafirmuan vullnetin dhe vendosmërinë e tyre për të punuar së bashku në hetim, dhe se informacioni mund të ndahet në përputhje me procedurat e parashikuara nga legjislacioni përkatës.
