Autoritetet e transportit të Arabisë Saudite kanë thënë se kanë siguruar 1000 skuter elektrikë për haxhilerët gjatë Haxhit për të lehtësuar transportin e tyre.
Shërbimi, i nisur provë gjatë Haxhit të vitit të kaluar, synon të ofrojë zgjedhje të shumta për transport dhe të kursejë kohë për lëvizjen e haxhilerëve.
Korsitë janë caktuar për përdoruesit e skuterëve të ndara nga ato të automjeteve dhe këmbësorëve për të garantuar përdorimin e lehtë dhe sigurinë e haxhilerëve. Pista me dy korsi për skuterët është 2 kilometra e gjatë.
Autoriteti i Përgjithshëm i Transportit Saudit (TGA) ka caktuar një ekip specialistësh për të udhëzuar haxhilerët në mënyrat e duhura për të përfituar nga shërbimi, njoftoi agjencia saudite e lajmeve SPA. /mesazhi
