Agresioni izraelit në Rripin e Gazës dhe Bregun Perëndimor që prej 7 tetorit, vrau 11675 persona dhe plagosi rreth 32 mijë të tjerë, tha sot Ministria e Shëndetësisë palestineze.
Ministria shpjegoi, në raportin e saj ditor mbi agresionin, se po përballet me sfida të mëdha në aksesin e përditësimeve të të dhënave si rezultat i prishjes së shërbimeve të komunikimit në Gaza për shkak të sulmeve të vazhdueshme izraelite.
Aty thuhet se numri i të vrarëve në Gaza që nga fillimi i agresionit dhe deri dje, më 16 nëntor, ka arritur në 11470, përfshirë 4707 fëmijë, 3155 gra dhe 686 të moshuar. Numri i të plagosurve ka shkuar në mbi 29 mijë.
Ai tha gjithashtu se mbi 3600 civilë mbeten të zhdukur ose nën rrënoja, duke përfshirë 1750 fëmijë.