16 organizata joqeveritare dhe disa aktivistë kanë kërkuar që bordi i Radio Televizionit Publik të Kosovës (RTK) të japë dorëheqje.
Sipas tyre, publikimi i artikullit të një mediumi boshnjak “Slobodna Bosna”, i cili pastaj është publikuar në RTK, ku akuzohen dy media online se janë nën “kontroll” të Serbisë dhe presidentit të saj Aleksandër Vuçiq, është narrativë e ushqyer nga Lëvizja Vetëvendosje.
Në komunikatë për media thonë se qëllimi është denigrimi i gazetarëve e që përbën rrezik për sigurinë e tyre.
“Në vend se të suspendonte të gjithë përgjegjësit për lëshimin e kësaj dezinformate, Bordi i RTK-së u mjaftua me një shprehje të “keqardhjes” për artikullin në fjalë dhe formimin e një komisioni për të “sqaruar situatën”, duke mos u distancuar apo kërkuar falje. Është tejet shqetësues fakti që artikullin diznformues të publikuar nga RTK-ja, bordi e ka cilësuar si “kontravers” dhe ka deklaruar të pavërteta se kinse RTK nuk ka përmendur emrat e mediumeve”, thuhet në reagimin e organizatave.
The post 16 organizata joqeveritare dhe disa aktivistë kërkojnë dorëheqjen e Bordit të RTK-së first appeared on Radio Televizioni Iliria.
