RTV AHIRETI
FeaturedKosovëLajmeLajmet

17 ditë nga vendosja e barrikadave në veri

17-dite-nga-vendosja-e-barrikadave-ne-veri

Janë bërë 17 ditë nga vendosja e barrikadave në veri të Mitrovicës.

Grupe të ndryshme të qytetarëve serbë kanë ngritur barrikada që nga 10 dhjetori, për të kundërshtuar arrestimin e ish-policit serb, Dejan Pantiq.

Ai u arrestua nën dyshimin për sulm kundër anëtarëve të Komisionit Qendror të Zgjedhjeve në veri.

Barrikadat në veri po vëzhgohen nga ekipe të Policisë së Kosovës, KFOR-it dhe EULEX-it.

Të dielën një ekip i KFOR-it është sulmuar me mjete shpërthyese në Zubin-Potok.

KFOR-i në një përgjigje për Kohën ka thënë se afër patrullës së tij janë dëgjuar dhe parë të shtëna.

Ministri i Punëve të Brendshme, Xhelal Sveçla, ka thënë se “lojërat e presidentit Aleksandar Vuçiq dhe instrumenteve të tij kriminale po vazhdojnë”.

Institucionet e Kosovës kanë thënë se janë në pritje të KFOR-it për heqjen e barrikadave, e në anën tjetër KFOR-i ka thënë se ato duhet të hiqen me dialog.

Related posts

Escobar dhe Lajçak këtë javë në Kosovë dhe Serbi

admin

Parlamenti Evropian voton sot raportet për Kosovën dhe Serbinë – kërkohet njohja e ndërsjellë

admin

20 fëmijë të vdekur nga zjarri në një konvikt në Guyanese – VIDEO

rezart morina