Të paktën 19 persona u vranë dhe 27 të tjerë u plagosën në një sulm kamikaz në Kabul, ndërsa studentët po futeshin për të dhënë provim, tha policia.
“Studentët po përgatiteshin për provim kur një kamikaz hodhi veten në erë brenda institucionit. Fatkeqësisht, 19 persona u vranë dhe 27 të tjerë u plagosën”, tha Khalid Zadran, një zëdhënës i policisë.
Një dëshmitar okular, i cili foli për mediat e huaja, në kushte anonimiteti, deklaroi gjithashtu se një kamikaz shpërtheu eksplozivin brenda një qendre trajnimi.
Shumë nga banorët e lagjes perëndimore të Kabulit , ku ndodhi shpërthimi, janë Hazara, një pakicë etnike që ka qenë shënjestër e sulmeve të mëparshme të kryera nga grupi i Shtetit Islamik, ndër të tjera.
Studentët adoleshentë ishin në mesin e 24 personave të vrarë në një sulm të vitit 2020 në një qendër arsimore në Kabulin perëndimor. /euronews
The corpses of #Hazara students who died in a suicide attack this morning at the Kaj educational center in #Kabul .#StopHazaraGenocide
pic.twitter.com/LQWd9cWJea
— Nilofar Moradi (@NilofarMoradi2) September 30, 2022
