Ambasadori gjerman në Prishtinë, Jorn Rohde, ka shkruar me rastin e 25 vjetorit të Çlirimit të Kosovës.
Ai ka kujtuar largimin e forcave serbe, derisa ka thënë se shpallja e pavarësisë së Kosovës në vitin 2008 është një storie suksesi.
Tutje, ai ka thënë se Gjermani është dhe do të mbetet një ndër partnerët më të afërt të Kosovës.
“Sot para 25 vitesh filloi misioni i KFOR-it të NATO-s. Për të cituar ish Def. Sec./NATO-GS Lord Robertson: Qëllimi ishte largimi i forcave të Millosheviqit, hyrja e NATO-s dhe kthimi i refugjatëve. Misioni u kry. Shpallja e pavarësisë së Kosovës në vitin 2008 është një storie suksesi. Gjermania është dhe mbetet ndër partnerët më të afërt të Kosovës”, ka shkruar ai.
