RTV AHIRETI
FeaturedKosovëLajmeLajmet

25-vjetori i masakrës së Mejës, krerët e shtetit kërkojnë drejtësi për viktimat

25-vjetori-i-masakres-se-mejes,-kreret-e-shtetit-kerkojne-drejtesi-per-viktimat

Gjatë ditës së sotme në Kompleksin Memorial në Mejë u organizua tubim përkujtimor nga Zyra e Kryeministrit të Republikës së Kosovës në shënim të Ditës së Personave të Zhdukur me Dhunë gjatë luftën në Kosovë.

Në 25-vjetorin e masakrës së Mejës, krerët e shtetit kërkuan drejtësi për viktimat, duke u zotuar se thirrja për drejtësi kurrë nuk do të mungojë.

Presidentja e Kosovës, Vjosa Osmani masakrën e Mejës e qujati “Srebrenica e Kosovës”.

“Sot këtu jemi me zemër të rënduar pa fund, ky vend është “Srebrenica e Kosovës”, ky vend është edhe thirrja jonë me e fuqishme për drejtësi. 376 civilëve të pafajshëm ju këputën ëndrrat në gjysmë vetëm pse ishin shqiptarë. Familjet e të zhdukurve me dhunë asnjëherë nuk do të jenë vetëm”, tha ajo.

Derisa, kryeministri i Kosovës, Albin Kurti, tha se për shqiptarët stina e pranverës është stinë përkujtimore për masakrën e Mejës.

“Ju e keni të freskët mëngjesin e atij viti kur forcat paramilitare e ushtarake të Serbisë, i dëbuan civilët nga fshatrat e Gjakovës. Të dëbuarit i drejtuan nga Meja ku i plaçkitën dhe gratë e fëmijët i drejtuan për në Shqipëri, ndërsa burrat e djem të rinj u vranë në fshatin Mejë”, tha Kurti.

Related posts

BE-ja dënon sulmet në veri të Kosovës, bën thirrje për uljen e tensioneve

admin

Blinken: Shteti palestinez, mënyra më e mirë për ta izoluar Iranin

admin

Sot seancë solemne në Kuvend – Shënohet 26 vjetori i Epopesë së UÇK-së

admin6