Shtatë persona kanë marrë lëndime trupore nga një aksident që ka ndodhur në rrugën Pejë-Prishtinë, konkretisht në Zahaq.
Zëdhënësi i policisë së Pejës, Fadil Gashi për teve1.info tha se aksidenti ka ndodhur mes tri veturave.
Ndërkohë të lënduarit janë jashtë rrezikut për jetë.
“Rreth orës 17:28, policia është njoftuar për një aksident në Zahaq të Pejës, në magjistralen Pejë-Prishtinë”. Në aksident janë përfshirë tri vetura, ku shtatë persona janë dërguar në emergjencën e Spitalit rajonal në Pejë. Katër janë liruar, tre kanë mbetur për trajtim të mëtejshëm. Sipas mjekut kujdestar, të gjithë janë jashtë rrezikut për jetë”, tha Gashi.
