Kryeministri izraelit Benjamin Netanyahu ka falënderuar ish-presidentin amerikan Donald Trump për “mbështetjen e jashtëzakonshme”, pasi ky i fundit i ka dërguar një letër presidentit izraelit Isaac Herzog, duke kërkuar që Netanyahu të falet.
Në një postim në rrjetin X, Netanyahu shkroi: “Si zakonisht, ti shkon drejt e në thelb dhe e thua të vërtetën ashtu siç është. Mezi pres të vazhdojmë partneritetin tonë për forcimin e sigurisë dhe zgjerimin e paqes.”
Në letrën e tij, Trump i ka quajtur akuzat për korrupsion ndaj Netanyahut “politike” dhe “të pabazuara”.
Ai gjithashtu ka lavdëruar udhëheqjen e Netanyahut gjatë luftës, e cila ka shkaktuar vdekjen e mbi 69 mijë palestinezëve, përfshirë të paktën 20 mijë fëmijë, një ofensivë që hetuesit e Kombeve të Bashkuara e kanë përshkruar si gjenocid. /mesazhi
