Më shumë se 70 sportistë kanë kërkuar nga organizata evropiane e futbollit, UEFA, që të përjashtojë Izraelin për shkak të shkeljeve të të drejtave të njeriut ndaj palestinezëve.
Në një letër drejtuar presidentit të UEFA-s, Aleksander Ceferin, organizata Athletes for Peace shprehu mbështetje për thirrjet që kërkojnë ndërprerjen e lidhjeve me Federatën Izraelite të Futbollit.
Letra, e hartuar nga Game Over Israel dhe e mbështetur nga The Gaza Tribunal dhe The Hind Rajab Foundation, thekson: “Asnjë skenë, fushë apo arenë ndërkombëtare nuk duhet të mirëpresë një regjim që kryen gjenocid, aparteid dhe krime të tjera kundër njerëzimit.”
Ndër nënshkruesit është edhe ish-lojtari i Manchester United, Paul Pogba. Letra paralajmëron se lejimi i atyre “që dëmtojnë njerëzimin e tyre dhe të të tjerëve” në futboll rrezikon të minojë vlerat themelore të këtij sporti. /mesazhi
