Një shpërthim i fuqishëm në një stacion policie në Srinagar të Kashmirit të administruar nga India ka lënë të paktën nëntë të vdekur dhe 29 të plagosur. Eksplozivët e konfiskuar shpërthyen ndërsa policia dhe ekipi forenzik po i ekzaminonin.
Disa trupa u dogjën plotësisht dhe pjesë trupash u gjetën deri në 200 metra larg. Autoritetet thonë se ngjarja nuk ishte sulm terrorist, por një incident i rëndë aksidental.
Shpërthimi vjen disa ditë pas një sulmi me makinë bombë në New Delhi, ndërsa policia indiane ka arrestuar mbi 650 persona në kuadër të hetimeve mbi aktivitetet e grupeve militante në rajon. /mesazhi
