Qindra çiklistë u tubuan në provincën veriperëndimore Idlib të Sirisë për të ndjekur rrugën e “Operacionit të Parandalimit të Armikut”, veprimit ushtarak që çoi në rrëzimin e regjimit të Bashar al-Assadit, raporton Anadolu.
Çiklistët do të pedalojnë nga Idlibi përmes qyteteve Halep, Hama dhe Homs drejt kryeqytetit Damask.
Me mbërritjen e tyre në Damask, çiklistët do t’i dorëzojnë presidentit sirian, Ahmad al-Sharaa, një helmetë që i përkiste një luftëtari të vrarë gjatë operacionit, të cilën e kishin marrë nga Guvernatori i Idlibit.
Demonstrata shënon përvjetorin e parë të revolucionit të 8 dhjetorit, megjithëse shkalla e shkatërrimit në të gjithë Sirinë mbetet tronditëse.
Regjimi i Partisë Baath, që ka qenë në pushtet që nga viti 1963, përfundoi kur lideri i Sirisë për pothuajse 25 vjet, Bashar al-Assad, u arratis në Rusi në dhjetor të vitit 2024.
Një administratë e re e udhëhequr nga presidenti al-Sharaa u formua në muajin janar.
