Presidenti i Këshillit Evropian, Antonio Costa, të hënën përsëriti mbështetjen e bllokut për Sirinë, ndërsa vendi shënoi përvjetorin e parë të rënies së regjimit të Bashar al Assadit, transmeton Anadolu.
“Një vit pas rënies së regjimit të Assadit, sirianët po ndërmarrin hapa drejt një të ardhmeje më të qëndrueshme dhe gjithëpërfshirëse. BE-ja qëndron me Sirinë, duke mbështetur një proces paqësor të udhëhequr nga Siria, të përqendruar në drejtësi, pajtim dhe të drejtat e të gjithë sirianëve”, shkroi Costa në platformën amerikane të mediave sociale X.
Ai riafirmoi angazhimin e bllokut për dialog politik, mbështetje urgjente humanitare dhe rimëkëmbjen dhe rindërtimin e Sirisë.
Assadi, udhëheqësi i Sirisë për gati 25 vjet, iku në Rusi dhjetorin e kaluar, duke i dhënë fund regjimit të Partisë Baath, e cila kishte qenë në pushtet që nga viti 1963. Administrata e re kalimtare e Presidentit sirian Ahmad al-Sharaa u formua në janar.
