Ushtria Arabe Siriane ka njoftuar se ka marrë kontrollin e plotë të qytetit Maskana, në lindje të provincës së Alepos, dhe se forcat e saj kanë nisur avancimin drejt qytetit Dibsi Afnan, raportoi agjencia shtetërore e lajmeve SANA.
Sipas Autoritetit të Operacioneve të Ushtrisë Siriane, qindra anëtarë të Forcave Demokratike Siriane (SDF) janë dorëzuar gjatë operacioneve të fundit.
Në deklaratë thuhet se ushtria ka marrë nën kontroll 34 fshatra dhe qyteza në zonën lindore rurale të Alepos, ndërsa ka siguruar daljen e mbi 200 pjesëtarëve të SDF-së me armët e tyre.
Autoritetet ushtarake u kanë bërë thirrje banorëve që të mos hyjnë në zonat e Alepos lindore deri në përfundimin e operacioneve të sigurisë, përfshirë pastrimin e minave dhe mbetjeve të luftës, për të garantuar sigurinë e civilëve. /mesazhi
