Raportohet se vajza e presidentit të SHBA-së, Donald Trump, Ivanka Trump dhe bashkëshorti i saj, Jared Kushner, kanë mbërritur sot në qytetin e Vlorës, transmeton Anadolu.
Mësohet se Ivanka Trump dhe Kushner janë shoqëruar nën masa të rrepta sigurie nga Policia e Shqipërisë, teksa mësohet se po qëndrojnë në një nga zonat e Vlorës.
Në mediat vendase është raportuar se vizita lidhet me investimet e planifikuara nga kompania e Kushner, në Ishullin e Sazanit, ku ai synon të zhvillojë një projekt turistik.
Gjithashtu raportohet se do të zhvillohet një takim me një studio arkitekturore mbi mënyrën e realizimit të projektit në fjalë.
Kompania e dhëndrit të Trumpit, Jared Kushner, ka marrë statusin e investitorit strategjik për ndërtimin e një resorti në Shqipëri, konkretisht në Ishullin e Sazanit.
Ivanka Trump dhe bashkëshorti i saj Kushner kanë vizituar edhe më parë Shqipërinë.
