Ministri i Jashtëm turk, Hakan Fidan, zhvilloi të shtunën një bisedë telefonike me homologun e tij iranian, Abbas Araghchi, për të diskutuar zhvillimet e fundit në procesin e negociatave në vazhdim.
“Gjatë bisedës diskutuam situatën e fundit të procesit të negociatave në vazhdim”, shkroi Fidan në platformën turke të mediave sociale NSosyal.
“Türkiye do të vazhdojë përpjekjet e saj për t’u dhënë fund konflikteve në rajonin tonë dhe për të vendosur paqe të qëndrueshme”, shtoi ai.
Fidan nuk dha hollësi të tjera lidhur me negociatat.
Ministri i Jashtëm iranian, Abbas Araghchi, paralajmëroi gjithashtu të shtunën kundër çdo “veprimi aventurist” nga ShBA-ja, gjatë një bisede të veçantë telefonike me komandantin e ushtrisë pakistaneze, sipas njoftimit të ministrit iranian në Telegram.
Araghchi theksoi gatishmërinë e vendit të tij për t’iu përgjigjur me vendosmëri çdo “agresioni”.
