Një shërbëtor i Izraelit që e sheh enklavën e përgjakur pa palestinezë
Jared Kushner, i dërguari dhe dhëndri i Donald Trump, zhvilloi bisedime në El Alamein të dielën me presidentin egjiptian Abdel Fattah al-Sisi mbi zbatimin e armëpushimit në Rripin e Gazës, njoftoi një zëdhënës i presidencës egjiptiane.
Takimi “i kujtoi të gjitha palëve nevojën që të respektojnë detyrimet e tyre ndaj marrëveshjes së armëpushimit në Rripin e Gazës“, tha zëdhënësi në një deklaratë.
Më parë, agjencia e lajmeve Mena e Egjiptit raportoi se një delegacion i Hamasit u takua në El Alamein me shefin e inteligjencës egjiptiane Hassan Rashad mbi mënyrën e avancimit të planit të paqes të SHBA-së për Gazën.
Delegacioni i Hamasit, i udhëhequr nga Khalil al-Hayya, “përsëriti angazhimin e tij për suksesin e planit të Presidentit të SHBA-së Donald Trump”.
Një zyrtar i Hamasit tha se bisedimet kishin të bënin me “përpjekjet për të bindur Izraelin që t’i përmbahet marrëveshjes, e cila përfshin një plan prej 15 pikash, dhe për të filluar zbatimin e saj”, duke shtuar se delegacioni do ta informonte palën egjiptiane mbi shkeljet izraelite të armëpushimit.
Hamasi miratoi planin prej 15 pikash të SHBA-së në fund të korrikut, i cili synon të nisë “fazën e dytë të planit Trump” për Gazën duke pranuar çarmatimin dhe bërë thirrje për tërheqjen e forcave izraelite nga enklava palestineze.
Kryeministri izraelit Benjamin Netanyahu e hodhi poshtë planin dhe bëri thirrje për “çarmatim të vërtetë të Hamasit”.
Jared Kushner do të vizitojë Izraelin javën e ardhshme në një përpjekje për të zbutur mosmarrëveshjet.
Një burim i Hamasit tha se ka “kontakte dhe bisedime” me ndërmjetësues egjiptianë, katarë dhe turq për të “bindur Izraelin që t’i përmbahet marrëveshjes”.
Megjithatë, vetë Kushner është një shërbëtor i verbër i Izraelit, madje një hebre edhe me fe, si dhe ideator i një Gaze pa palestinezë, si një rivierë e Lindjes së Mesme.
Pra, vështirë të besohet se prej tij të vijë një paqe e drejtë në Gaza. /tesheshi.com/
