Një tërmet me magnitudë 6,1 goditi pjesën lindore të Gjirit të Adenit të premten herët, sipas Shërbimit Gjeologjik Saudit, transmeton Anadolu.
Agjencia tha në një deklaratë në rrjetin social amerikan X se stacionet e Rrjetit të saj Kombëtar të Monitorimit Sizmik regjistruan tërmetin në orën 00:07 sipas kohës lokale.
Tërmeti kishte magnitudë 6,1 në shkallën Rihter, shtoi ajo.
Nuk kishte menjëherë informacione për viktima apo dëme materiale.
