Është mbajtur ceremonia e varrimit e kriminelit të luftës, Ratko Mlladiq.
Ai është varrosur në Beograd me nderime shtetërore.
Arkivoli ishte i mbuluar me flamujt e Serbisë dhe të Republikës Srpska.
Ratko Mlladiqin deri te vendi i varrimit e përcolli edhe një orkestër ushtarake.
Mijëra njerëz kanë marrë pjesë të hënën në homazhet për Ratko Mlladiqin, komandantin e serbëve të Bosnjës, i cili vdiq në fund të gushtit, ndërsa po vuante dënim të përjetshëm për krime lufte.
Trupi i tij ishte vendosur në kishë për homazhe publike.
Kjo ndodhi ndërsa Serbia sfidoi paralajmërimet e Bashkimit Evropian për të mos zhvilluar homazhe zyrtare për personin që u shpall fajtor për rastin e parë të gjenocidit në Evropë që nga Lufta e Dytë Botërore.
Një zëdhënës i shefes së politikës së jashtme të BE-së, Kaja Kallas, ka dhënë reagimin e BE-së lidhur me ceremoninë e varrimit të mbajtur të hënën në Beograd, duke theksuar se “çdo glorifikim i kriminelëve të luftës, mohim i gjenocidit dhe revizionizëm, bien ndesh me vlerat më themelore evropiane dhe nuk kanë vend në BE apo në vendet kandidate për anëtarësim në BE”.
