Një tërmet me magnitudë 5,4 ballë goditi rrethin Karakopru të Sanliurfës, në juglindje të Turqisë, në orën 10:40 sipas kohës lokale, transmeton Anadolu.
Sipas të dhënave të publikuara në faqen e internetit të Autoritetit të Menaxhimit të Fatkeqësive dhe Emergjencave të Turqisë (AFAD), epiqendra e tërmetit ishte në Karakopru.
Tërmeti ndodhi në një thellësi prej 7,39 kilometrash nën sipërfaqe. Lëkundjet u ndjenë edhe në provincat përreth.
Guvernatori i Sanliurfës, Hasan Sildak i tha Anadolu-t, se sipas vlerësimeve fillestare, nuk kishte raportime për viktima apo shembje të strukturave në qytet.
Ai tha se ekipet po vazhdojnë inspektimet në zonë.
