RTV AHIRETI
LajmeRajon dhe Botë

SHBA-ja ndalon abortin

shba-ja-ndalon-abortin

Gjykata e Lartë e Shteteve të Bashkuara të Amerikës ka vendosur ta rrëzojë vendimin “Roe v Wade” të para 50 vjetëve për legalizimin e abortit në vend, shkruan BBC të premten.

Vendimi do të transformojë të drejtat e abortit në SHBA. Shtetet veç e veç tani mund ta ndalojnë një procedurë të tillë.

Gjysma e shteteve amerikane pritet të vendosin kufizime ose ndalime të reja.

13 prej tyre tashmë kanë miratuar të ashtuquajturat ligje të nxitjes që automatikisht do ta nxjerrin si të paligjshme abortin pas vendimit të Gjykatës së Lartë. Një numër shtetesh tjera kanë në plan të miratojnë kufizime të reja.

Në total, aborti pritet të ndalohet për 36 milionë gra të moshës riprodhuese, sipas hulumtimit nga Planned Parenthood, një organizatë e kujdesit shëndetësor që ofron aborte.

Gjykata e Lartë kishte shqyrtuar një çështje kundër Organizatës së Shëndetit të Grave “Jackson”, që kundërshtonte ndalimin e shtetit të Mississippit për abortin pas 15 javësh.

Por gjykata vendosi në favor të shtetit me një shumicë votash prej gjashtë pro dhe tre kundër, duke i dhënë fund të drejtës kushtetuese për një abort.

Guvernatorët demokratë të disa shteteve si Kalifornia, New Mexico e Michigani, kanë njoftuar planet se do ta ruajnë të drejtën për abort brenda kushtetutës së tyre.

“Roe v Wade” u miratua në vitin 1973 kur Gjykata e Lartë me një votim 7 me 2 i dha të drejtën një gruaje për të ndërprerë shtatzëninë e saj.

Vendimi u jepte grave amerikane të drejtën absolute për një abort në tre muajt e parë të shtatzënisë, por lejoi kufizime në tremujorin e dytë dhe ndalime në tremujorin e tretë. /koha

Related posts

Kroaci: Gjithnjë e më shumë pensionistë po vazhdojnë të punojnë

admin

“Garantuese e raporteve SHBA-Kosovë”, Osmani e veçon deklaratën e Escobar në një video për tri vitet në krye të shtetit

admin

Francë, në vitin 2022 çdo 12 minuta është raportuar për një fëmijë të zhdukur

rezart morina