Të paktën nëntë persona kanë vdekur dhe shtatë janë zhdukur në Korenë e Jugut pasi reshjet e dendura përmbytën rrugët kryesore, stacionet e metrosë dhe shtëpitë, thanë zyrtarët të mërkurën, shkruan AFP.
Shirat që filluan të hënën janë më të dendurit që kur Koreja e Jugut filloi të monitoronte kushtet e motit 115 vjet më parë, ka thënë presidenti Yoon Suk-yeol, i cili u kërkoi falje qytetarëve për “bezdi”.
Qytetet e Seulit dhe Gangnamit u godit veçanërisht e rëndë, me veturat që ishin gjysmë të zhytura.
“Ka gjithsej 16 viktima, duke përfshirë nëntë të vdekur dhe shtatë të zhdukur”, ka thënë një zyrtar në Ministrinë e Brendshme.
Në total, rreth 600 persona janë të rrezikuar nga përmbytjet, shtoi ai, ndërsa shumë prej tyre u detyruan të largohen nga shtëpitë e tyre.
Midis nëntë viktimave, tre vdiqën pasi u bllokuan në apartamentet e tyre gjysmë-bodrume të njohura si banjiha. /koha
