Për shkak të ngadalësisë në futjen e të dhënave nga komisionet zgjedhore komunale dhe të qytetit në sistemin e unifikuar të informacionit, KQZ-ja nuk ishte në gjendje të paraqiste të dhëna për parlamentet shtetërore, entitetet dhe ato kantonale.
Komisioni Qendror i Zgjedhjeve i Bosnjë-Hercegovinës në orën 09:00 do të shpallë rezultatet e reja preliminare, jozyrtare dhe jo të plota të zgjedhjeve për Presidencën e Bosnjë-Hercegovinës, të cilat janë dorëzuar nga komisionet zgjedhore komunale dhe të qyteteve në Bosnje-Hercegovinë.
Para shpalljes së KQZ-së, Denis Beqiroviq (Të Bashkuar për BiH të Lirë), Zheljka Cvijanoviq (SNSD) dhe Zheljko Komshiq (DF) shpallën fitore në betejën për Presidencën e BeH.
Siç tha mbrëmë kryetari i KQZ-së, Suad Arnautovic, për anëtarin boshnjak të Kryesisë së Bosnje-Hercegovinës janë proceduar 1816 vendvotime ose 54,83 për qind. Bećirović fitoi 55,87, Bakir Izetbegović (SDA) 39,31 dhe Mirsad Hadžikadić (Platforma për progres) 4,91 për qind të votave.
Për anëtarin e Kryesisë së Bosnjës dhe Hercegovinës nga radhët e popullit kroat janë proceduar 1816 vendvotime ose 54,73 për qind. Sipas të dhënave të KQZ-së, Kristo ka fituar 51,36 për qind të votave, ndërsa Komshiq 48,64 për qind.
Cvijanović fitoi 51,65 për qind dhe Mirko Sharović (SDS) 36,83 për qind nga 39,57 për qind e vendvotimeve të përpunuara për anëtarin e Presidencës së BiH nga radhët e popullit serb.
Bakir Izetbegović (SDA) pasi pranoi humbjen komentoi vendimin e Përfaqësuesit të Lartë në Bosnjë e Hercegovinë, Christian Schmidt duke thënë se beson se vendosja e amendamenteve në Ligjin Zgjedhor të Bosnjë-Hercegovinës, që u bë më herët të dielën nga ai forcoi pozitën e Bashkimit Demokratik Kroat (HDZ) të Bosnjë dhe Hercegovinës. /mesazhi
