Kryeministri Albin Kurti e ka pritur të mërkurën në takim këshilltarin e lartë të Departamentit Amerikan të Shtetit, Derek Chollet.
Takimi po mbahet në objektin e Qeverisë së Kosovës.
Cholleti ishte takuar me presidenten Vjosa Osmani më herët.
Siç ka njoftuar DASH, me krerët e institucioneve në Kosovë, Cholleti pritet të bisedojë për integrimin euroatlanik përfshirë arritjen e një marrëveshjeje për normalizimin e raporteve me Serbinë, bazuar në njohje reciproke.
Chollet e ka nisur vizitën në Ballkan nga Shkupi. Pas Kosovës, këshilltari amerikan pritet të vizitojë edhe Serbinë.
Ai po shoqërohet nga i dërguari special i SHBA-së për Ballkanin Perëndimor, Gabriel Escobar.
