Presidentja e Perusë, Dina Boluarte, ka refuzuar të japë dorëheqjen, pavarësisht protestave antiqeveritare që kanë tronditur vendin.
“Unë nuk do të jap dorëheqjen. Angazhimi im është me Perunë”, ka thënë ajo në një fjalim të drejtpërdrejtë televiziv të premten mbrëma, raportoi BBC-ja të shtunën.
Përleshjet e dhunshme në javët e fundit kanë lënë dhjetëra të vdekur dhe dhjetëra të plagosur.
Boluarte ka thënë se i vinte keq për vdekjet që ndodhën gjatë përleshjeve me forcat e sigurisë, por ajo këmbënguli se do të vazhdonte si udhëheqëse.
Dhuna u shkaktua nga arrestimi i ish-presidentit, Pedro Castillo në dhjetor, pasi ai u përpoq të pezullonte Kongresin pasi humbi një votë për shkarkim.
Mbështetësit e Castillos kanë kërkuar zgjedhje të reja dhe kanë bërë thirrje për largimin e Boluartes.
Por presidentja hodhi poshtë mundësinë e thirrjes së një asambleje kushtetuese siç kërkohet nga protestuesit, duke thënë se kjo nuk mund të ndodhë brenda natës.
Ajo ka akuzuar fraksionet radikale për shkaktimin e kaosit, rrëmujës dhe shkatërrimit dhe se po e çojnë vendin në ngërç.
Disa anëtarë të qeverisë së Boluarte dhanë dorëheqjen të premten, përfshirë ministrin e Brendshëm. /koha
Gratamente sorprendido con el mensaje a la nación de Dina Boluarte, VALIENTE FIRME RESPONSABLE dada la coyuntura actual, bien puestos los ovarios para dirigir al PERÚ CONTRA los ataques de sendero luminoso. NO RENUNCIARA. Confirma la entrada de balas por la frontera sur. pic.twitter.com/MfrbzTDhP5
— Ricardo Vargas (@Rivar_2021) January 14, 2023
