Institucioni Al-Azhar në Egjipt, selia më e lartë e dijes e botës islame, bëri thirrje për përpjekje globale për të ofruar ndihmë për viktimat e tërmetit në Turqi dhe Siri, transmeton Anadolu.
“Zemrat tona janë copëtuar nga dhimbja nga skenat e tmerrshme të tërmetit shkatërrues që goditi Sirinë dhe Turqinë”, tha në Twitter Imami i Madh i Al-Azharit, Sheikh Ahmed Al-Tayeb.
“I bëj thirrje gjithë botës të ngrihet për lehtësimin e gjendjes së të prekurve, të ndihmojë të lënduarit dhe të pastrehët dhe të nxitojë për të shpëtuar njerëzit e bllokuar nën rrënoja”, shtoi ai.
