Qeveria siriane ka miratuar dërgesat e ndihmave humanitare në vijat e para të luftës 12-vjeçare të vendit, thonë media shtetërore, duke shtuar se ndihma do të arrijë me ndihmën e OKB-së, Gjysmëhënës së Kuqe Siriane dhe Kryqit të Kuq ndërkombëtar.
“Këshilli i Ministrave miraton … dërgimin e ndihmave humanitare në të gjitha pjesët e Republikës Arabe Siriane,” tha një deklaratë e kabinetit.
Media shtetërore raportoi se qeveria ka shpallur gjithashtu zonat më të prekura nga tërmetet vdekjeprurëse të së hënës – Latakia, Hama, Aleppo dhe Idlib – si zona të fatkeqësisë dhe do të krijojë një fond për rindërtim. /mesazhi
