Ka ndërruar jetë fëmija i cili u nxor nga rrënojat e pallatit Kanatlı në qendër të rajonit Antakya në qytetin Hatay, 296 orë pas tërmetit, raporton Anadolu.
Ekipet u intensifikuan në zonën e identifikuar në rrënoja dhe 296 orë pas tërmetit shpëtuan shtetasit e huaj Samir Muhammed Accar, bashkëshorten e tij Ragda dhe fëmijën e tyre 12-vjeç.
Samir Muhammed Accar dhe bashkëshortja e tij u dërguan në spital me ambulancë, ndërsa fëmija i tyre nuk mundi të mbijetojë pavarësisht ndërhyrjeve të kryera pas nxjerrjes nga rrënojat.
Në të njëjtën rrënojë thuhet se kanë humbur jetën edhe 2 fëmijët e çiftit.
Mësohet se Ragda Accar pas ndërhyrjes së parë të kryer në spitalin fushor u dërgua me helikopter ambulancë në spitalin e trajnimit dhe kërkimit të qytetit Adana.
Ekipet kryen punime të kërkim-shpëtimit në rrënojat e një ndërtese të shembur në rrugën Türkmenbaşı në lagjen General Şükrü Kanatlı.
Më herët në punimet intensive të kryera në ditën e 13-të nga ekipet e kërkim-shpëtimit në mesin e të cilëve morën pjesë edhe ato të ardhur nga Kirgistani, u identifikuan të gjallë 3 persona.
