Kryediplomati kinez, Wang Yi njoftoi sot në Konferencën e Sigurisë në Mynih se Pekini do të paraqesë së shpejti, një nismë paqeje për t’i dhënë fund luftës, pothuajse njëvjeçare në Ukrainë.
“Ne do të paraqesim një nismë paqeje. Dhe ky është qëndrimi kinez për zgjidhjen politike të krizës në Ukrainë. Ne do të qëndrojmë të vendosur në anën e paqes dhe dialogut”, tha Wang.
Për një botë më të sigurt, ne duhet të mbështesim parimet e Kartës së OKB-së”, tha ai, duke fajësuar mospërfilljen e këtyre parimeve për konfliktet aktuale në botë.
“Presioni apo sanksionet nuk i kanë zgjidhur problemet mes vendeve”, tha Wang duke bërë thirrje për zgjidhje paqësore të konfliktit përmes dialogut dhe konsultimeve, sado të rënda të jenë tensionet.
“Paqes duhet t’i jepet një shans në fund të fundit”, tha ai.
Konflikti në Ukrainë, i cili filloi me pushtimin rus më 24 shkurt të vitit të kaluar, është një temë qendrore në ngjarjen globale të sigurisë që zhvillohet nga e premtja deri të dielën në qytetin gjerman, Mynih. /atsh
A Münich, le ministre chinois des affaires étrangères évoque “la crise” en #Ukraine. “Pékin est du côté de la paix et oeuvre en faveur de discussions de paix”, affirme Wang Yi. Bruxelles et Paris appellent à un effort accéléré et de longue durée en matière de défense européenne pic.twitter.com/NyGGiTZzTs
— TV5MONDE Info (@TV5MONDEINFO) February 18, 2023
