Ushtria e Tajvanit ka mbajtur stërvitje me tanke, automjete të blinduara dhe Humvee në pjesën veriore të ishullit. Dhjetëra ushtarakë dëshmuan aftësitë dhe gatishmërinë e pajisjeve të tyre teksa mjetet ushtarake dilnin në rrugë.
Ushtarët kanë montuar gjithashtu një Humvee me një raketë të mbrojtjes ajrore gjatë stërvitjeve. Ushtrimet janë mbajtur teksa Kina vazhdon ato që ka theksuar se janë “patrulla të gatishmërisë luftarake” në Ngushticën e Tajvanit. Ajo ka filluar dërgimin e anijeve luftarake dhe dhjetëra avionëve luftarakë drejt Tajvanit në hakmarrje për takimin mes kryetarit të Dhomës së Përfaqësuesve të SHBA-së, Kevin McCarthy, dhe presidentit tajvanasez.
Pekini ishullin e vetëqeverisur e cilëson si territor të Kinës. Ministria e Mbrojtjes në Tajvan ka deklaruar se veprimet e Kinës jo vetëm se cenojnë paqen dhe stabilitetin, por kanë ndikim negativ në sigurinë rajonale. Tajvani është ndarë nga Kina pas luftës civile të vitit 1949. Partia Komuniste në Kinë ka deklaruar se ishulli është i obliguar t’i bashkohet territorit kinez, nëse është e nevojshme edhe me forcë. /koha
