Në një ndryshim të papritur të diskursit politik, kandidati presidencial i opozitës turke, Kemal Kiliçdaroglu u zotua sot se do të dëbonte 10 milionë refugjatë nëse zgjidhej, pas balotazhit të 28 majit.
“Sapo të vij në pushtet, do t’i kthej të gjithë refugjatët në shtëpitë e tyre”, tha Kiliçdaroglu.
Kiliçdaroglu e etiketon balotazhin e zgjedhjeve si një “çështje mbijetese” për Turqinë.
”Nëse presidenti aktual Recep Tayyip Erdogan rizgjidhet, atëherë 10 milionë azilkërkues të tjerë do të mbërrijnë në Turqi”, tha Kiliçdaroglu në një fjalim në Ankara.
Kthimi i liderit laik në një retorikë të frikës antimigratore vjen pasi ai doli i dyti pas Erdoganit në zgjedhjet presidenciale të 14 majit.
Ai ka nevojë për mbështetjen nacionaliste nga kandidati i renditur i treti, Sinan Ogan.
Sipas OKB-së, në Turqi ka 3,9 milionë refugjatë, përfshirë ata nga Siria fqinje.
Kiliçdaroglu nuk do të ndajë asnjë të dhënë shkencore për vërejtjen e tij prej 10 milionë refugjatësh.
Kiliçdaroglu akuzoi Erdoganin se po komprometonte sigurinë kufitare të Turqisë.
Është e paqartë nëse Ogan mund të arrijë të mobilizojë mbi 2,8 milionë votuesit e tij për të mbështetur kandidatin që ai do të mbështesë.
Pritet që shumica e mbështetësve të Oganit të votojnë për Erdoganin.
Mes manipulimit të supozuar të të dhënave, Kiliçdaroglu tha se planifikon të vendosë deri në një milion vëzhgues zgjedhjesh në qendrat e votimit. /atsh
