Turqia po kërkon që shteti suedez të fillojë ekstradimin ose dëbimin e ‘terroristëve’ kurdë përpara samitit të NATO-s, i cili pritet të mbahet në muajin korrik në Vilnius.
Edhe pse Suedia ka hequr dorë nga ndalimi i shitjes së armëve për Turqinë dhe ka ndryshuar ligjet e saj kundër terrorizmit, presidenti turk, Recep Tayyip Erdogan ka sinjalizuar se kjo nuk do të mjaftojë, shkruan Bloomberg.
Turqia po kërkon ekstradimin e më shumë se 130 personave, kryesisht separatistë kurdë.
Në mesin e tyre ka përkrahës të dyshuar të Partisë së Punëtorëve të Kurdistanit (PKK), të cilën SHBA-ja dhe Bashkimi Evropian e cilësojnë si organizatë terroriste, por edhe mbështetës të Forcave Vetëmbrojtëse kurdo-siriane (IPG) dhe ndjekës të imamit turk, Fethullah Gulen, i cili dyshohet se organizoi grusht shtetin në vitin 2016 dhe tani jeton në Pensilvani, SHBA. /abc
AK Parti TBMM Grup Toplantısı https://t.co/TZk0XfIsMy
— Recep Tayyip Erdoğan (@RTErdogan) June 21, 2023
