Presidenti i Rusisë Vladimir Putin, miratoi dekretin i cili lejon ngrirjen e fondeve që u përkasin individëve dhe institucioneve të huaja ndaj të cilëve zbatohen sanksione, transmeton Anadolu.
Sipas dekretit të nënshkruar nga Putin, do të mund të ngrihen fondet e individëve dhe institucioneve ndaj të cilëve Rusia zbaton sanksione.
Vendimi i cili gjithashtu lejon ndalimin e transfereve monetare ndërkufitare të të huajve të sanksionuar, do të hyjë në fuqi brenda 180 ditëve.
Me vendimin ndalohen edhe transferet e parave të bankave drejt institucioneve apo individëve jashtë vendit, të cilët janë të sanksionuar.
