Sekretari i Përgjithshëm i Kombeve të Bashkuara (OKB), Antonio Guterres, ka shprehur solidaritet me popullin e Libisë pas fatkeqësisë së përmbytjeve, transmeton Anadolu.
Guterres publikoi një mesazh nga llogaria e tij në median sociale lidhur me fatkeqësinë e përmbytjeve në Libi.
OKB-ja vazhdon të punojë me partnerët e saj për të dërguar ndihma humanitare urgjente në rajonet e prekura nga përmbytja, tha Guterres.
“Jemi në solidaritet me popullin e Libisë”, shtoi ai.
Po ashtu, Guterres u shprehu ngushëllime familjeve që kanë humbur të afërmit e tyre nga përmbytjet.
Stuhia “Daniel”, e cila është efektive në Mesdheun Qendror dhe që goditi Libinë më 10 shtator, ka shkaktuar fatkeqësi të përmbytjeve në qytetet Benghazi, Al-Bayda, Al-Marj, Susa dhe Derna.
Qeveria e Unitetit Kombëtar në Libi njoftoi se nga përmbytjet kanë humbur jetën 6.000 persona dhe se mijëra të tjerë janë të zhdukur.
