Presidenti turk, Recep Tayyip Erdoğan dhe sekretari i përgjithshëm i Kombeve të Bashkuara (OKB), Antonio Guterres, kanë diskutuar hapat për të adresuar konfliktin izraelito-palestinez, i cili së fundmi u shndërrua në konfliktin më vdekjeprurës të parë në vite, transmeton Anadolu.
Në një telefonatë, siç njofton Drejtoria e Komunikimeve e Turqisë, Erdoğan dhe Guterres shkëmbyen pikëpamje mbi atë që mund të bëhet për të ofruar ndihma humanitare për civilët e pafajshëm në rajon përmes përpjekjeve të ndërmjetësimit të Turqisë.
Duke paralajmëruar se sulmet jo-proporcionale mund ta çojnë situatën në ngërç të mëtejshëm, presidenti turk i tha shefit të OKB-së se është shumë e rëndësishme që palët të veprojnë me përmbajtje dhe të shmangin hapat impulsiv.
Guterres tha se kishte frikë se numri i palestinezëve të zhvendosur në Gaza do të rritet mes sulmeve të vazhdueshme izraelite dhe raketave të Hamasit.
