Kryeministri izraelit Benjamin Netanyahu tha se ofensiva në Gaza është “vetëm fillimi”, transmeton Anadolu.
“Ne po godasim armiqtë tanë (Hamasin) me forcë të paprecedentë dhe konfirmoj se ky është vetëm fillimi. Armiqtë tanë sapo kanë filluar të paguajnë çmimin”, tha ai në një deklaratë televizive të transmetuar nga media izraelite Channel 12.
Netanyahu tha se Izraeli do ta përfundojë betejën në një kohë që e sheh të përshtatshme pasi Hamasi të jetë mposhtur.
Ai theksoi se Tel Avivi po mobilizon mbështetje masive ndërkombëtare për operacionin, duke shtuar se pret furnizime me municione dhe armatim nga SHBA.
Netanyahu është zotuar disa herë se do të eliminojë lëvizjen e Hamasit që nga fillimi i operacionit “Tufani i Aksa-së”.
אנחנו במלחמה על הבית והיא חייבת להסתיים בדבר אחד: ניצחון מוחלט, ריסוק וחיסול חמאס. צפו בנאום המלא >> pic.twitter.com/Q9Dl2wi7gc
— Benjamin Netanyahu – בנימין נתניהו (@netanyahu) October 12, 2023
