Organizata Botërore e Shëndetësisë ka kritikuar ashpër urdhrin e evakuimit të Izraelit për Gazën, duke e quajtur atë një “dënim me vdekje” për pacientët e pambrojtur në spital.
Shefi i OBSH-së Tedros Ghebreyesus i kërkoi Izraelit të anulojë këtë vendim, duke theksuar se lëvizja e pacientëve do të rrezikonte menjëherë jetën e tyre, si dhe jetën e punonjësve të kujdesit shëndetësor.
Ai kërkoi një anulim të menjëhershëm të urdhrit për të mbrojtur shëndetin e njerëzve dhe për të zvogëluar vuajtjet.
Duke pasur parasysh sulmet ajrore të vazhdueshme dhe kufijtë e mbyllur, nuk ka vende të sigurta për civilët dhe OBSH-ja bëri apel për krijimin urgjent të një korridori humanitar për dërgimin e ndihmave të sigurta. /mesazhi
