Në vendkalimet kufitare të Kosovës me Serbinë edhe në mbrëmjen e së shtunë (sonte) ka kolona dhe pritje të gjatë të bashkatdhetarëve tanë, që po vijnë nga vendet e Evropës Perëndimore.
Qendra Kombëtare për Menaxhimin Kufitar (raporti i orës 20:20) njofton se kolona të automjeteve dhe pritje më të gjata ka në vendkalimet kufitare me Serbinë te Dheu i Bardhë, Muçibabë dhe Jarinjë.
Në vendkalimin kufitar te Dheu i Bardhë për të hyrë në Kosovë po pritet deri në një orë e gjysmë, kurse kolona e automjeteve është 1.8km.
Ndërsa, në vendkalimin kufitar në Muçibabë bashkatdhetarët po presin pothuaj dy orë, kurse kolona e automjeteve në anës serbe të kufirit është afër një kilometër. Edhe në vendkalimin kufitar në Jarinjë ka pritje deri në një orë, kurse në Meradr nuk pritet më tepër se 30 minuta për të hyrë në Kosovë.
