Procesi gjyqësor kundër kryeministrit izraelit, Benjamin Netanyahu, pritet të rifillojë në muajin shkurt, transmeton Anadolu.
“Gjykimi i Netanyahut për akuzat për ryshfet, mashtrim dhe shkelje të besimit do të vazhdojë në muajin shkurt”, tha Gjykata e Lartë e Drejtësisë e Izraelit në një deklaratë të cituar nga ‘The Jerusalem Post’.
Procesi gjyqësor ishte planifikuar të rifillojë në muajin tetor, por u ndërpre pas sulmit ndërkufitar nga Hamasi më 7 tetor, me Izraelin që nisi një ofensivë ushtarake hakmarrëse në Rripin e Gazës, ku deri më tani janë vrarë të paktën 20.674 palestinezë, kryesisht gra dhe fëmijë, si dhe janë plagosur 54.536 të tjerë.
Procesi gjyqësor kundër Netanyahut, i rifilluar në dhjetor nga gjykata, pranoi një kërkesë të mbrojtjes që seancat të mbahen dy herë në javë, duke përmendur mungesën e disponueshmërisë së kryeministrit izraelit për t’u përgatitur për dëshmitë e dëshmitarëve kyç në mes të luftës në Gaza.
Netanyahu përballet me akuza për ryshfet, mashtrim dhe shkelje të besimit në një rast, si dhe me akuza për mashtrim dhe shkelje të besimit në dy raste të tjera, por ai mohon keqbërjen.
Seanca e parë e gjykimit për korrupsion të Netanyahut u mbajt më 24 maj të vitit 2020.
